Rusia ka mbyllur sot trafikun në disa prej vendkalimeve të fundit hekurudhore kufitare me Bashkimin Evropian.
Vendimi u njoftua mbrëmjen djeshme përmes një urdhri qeveritar, i cili pezullon nga 1 korriku të gjithë qarkullimin e personave, automjeteve, mallrave dhe ngarkesave hekurudhore drejt dhe nga Finlanda, Estonia dhe Letonia.
Ministria e Jashtme ruse i ka njoftuar zyrtarisht vendet baltike për këtë vendim, por nuk ka dhënë asnjë shpjegim për mbylljen e cilësuar si "e përkohshme", as ndonjë afat se kur masat mund të hiqen.
Ndër pikat e prekura në kufirin me Finlandën janë Stacioni Finlandez i Shën Petersburgut, Vyborgu dhe Svetogorsku në rajonin e Leningradit, si dhe Vartsila dhe Lutta në Kareli. Gjithashtu janë mbyllur edhe pika e kalimit Pechory në kufirin me Estoninë dhe Pytalovo pranë kufirit me Letoninë.
Sondazh
Lexo gjithashtu
