Një urë autostrade që lidh qytetet e Donetskut dhe Mariupolit është shembur pjesërisht pas sulmeve ajrore ukrainase.
Sulmi kishte për shënjestër urën që kalon mbi lumin Kalchyk pranë fshatit Hranitne, deklaroi Konstantin Zinchenko, kreu i administratës së distriktit lokal.
Ai shtoi se autoritetet po planifikojnë të krijojnë një rrugë devijuese për shoferët.
Më herët, ushtria ukrainase njoftoi se kishte goditur disa pika logjistike, përfshirë urën pranë Hranitne. Sipas saj, u godit gjithashtu një urë hekurudhore mbi lumin Tepla në rajonin e Luhanskut, si dhe një pikë kalimi pranë kufirit mes rajoneve të Dnipropetrovskut dhe Zaporizhzhias.
“Këto ura përdoren nga armiku për të transferuar personel, armë, municione dhe furnizime logjistike”, tha Shtabi i Përgjithshëm i Ukrainës në një deklaratë.
Sondazh
Lexo gjithashtu
