Një ngjarje e rëndë ka ndodhur në orët e para të kësaj të diele pasi një efektiv i Rrugores në Tiranë ka kryer vetëvrasje, në zonën e Freskut.
Siç mund ta shikoni dhe në foton e mëposhtme të siguruar nga newsbomb.al bëhet fjalë për efektivin Indrit Sinani i cili raportohet se ka ndërmarrë aktin ekstrem duke i dhënë fund jetës së tij në lule të rinisë.
Burime për newsbomb.al bëjnë me dije se Indriti me origjinë nga Tropoja, ka lënë pas gruan dhe vajzën e tij të mitur.
Po ashtu, mësohet se për 8 vite Indriti ka kontribuar në Policinë Rrugore të Tiranës.
Sakaq, bëhet me dije se ceremonia mortore e të riut do të zhvillohet ditën e hënë në orën 13:00 në varrezat e Tufinës.
Newsbomb.al i shpreh ngushëllime familjes, miqve dhe kolegëve të Indritit për humbjen tragjike të njeriut të tyre të zemrës.
Sondazh
Lexo gjithashtu
